نكت مغربية

رونالدينو
واحد سول صاحبو: أشنو سمية رونالدينو؟
قال ليه: سميتو صالح
سولو صاحبو: وكيفاش عرفتيها؟
قال ليه: سمعت المديع ف الماتش قال خطأ لصالح رونالدينو
_________________________

نسيت المحكة

هادا واحد دخل الحمام مع الربعة ديال الصباح ودخل معاه جوج قباب
حطهوم ومنين تلفت لقى واحد غبر وهو يقول (زعما بلا ما يعيق): الله! نسيت المحكة. وهو يعلق
____________________________

ربعة د الشجرات

واحد الولد سول باه: كيفاش نعرف واش الواحد سكران؟
قال ليه باه: السكران أولدي غادي يقول ليه راه هادوك ربعة د الشجرات ماشي جوج
منين تلفت الولد فين شير باه وهي تبان ليه غير شجرة وحدة
___________________________

مؤدب بزاف
هادا واحد مؤدب بزاف. مللي كيبغي يحل التلاجة كيدق هو اللول
___________________________

بحال نانسي عجرم

هادا واحد التزم وولى كيحشم وبغى يتجوج
قالت ليه أمه: كيفاش بغيتي مرتك تكون أولدي؟
قال ليها: بغيتها والعياذ بالله والعياذ بالله والعياذ بالله تكون بحال نانسي عجرم
___________________________

الخايبة والمراية

هادي واحد الخايبة شافت وجهها ف المراية وقالت: هادو اللي كيصايبوا المرايات ولاو غير كيركعوا
____________________________

جا يوصلني

جوج مشاو للمحطة د التران ولقاوه بدا كيتحرك. واحد لحقو نقز فيه وركب، ولاخور ميت بالضحك ما ركبش. مللي سولوه مالك؟ قال ليهم: هاداك المكلخ راه غير جا يوصلني
________________________________

غادي تسكتي أولا

مكلخ خطف مكلخة ودارها ف الطوموبيل. البنت بدات كتغوت
قال ليها المكلخ: غادي تسكتي أولا غادي تنزلي
قالت ليه: لا صافي هاني سكت
_____________________________

مواصفات فارس الأحلام

إليسا وهيفاء وهبي ونانسي عجرم راكبين ف التران، وكيهدرو على فارس الأحلام
قالت ليهم إليسا: أنا بغيت نتجوج بوليسي
قالت هيفاء: أنا بغيت نتجوج شينوي
قالت ليهم نانسي: أنا بغيت نتجوج كويري معروف
واحد سمعهم أشنو قالوا وجا عندهم قال ليهم: نعرفكم بنفسي، أنا العقيد شونج يانغ المعروف برونالدينو
_________________________________

البقر البيض والكحل

هادا واحد الفلاح جات عندو صحفية تسولو على البقر
قالت ليه: أشنو كتوكل البقر ديالك؟
قال ليها: شكون فيهم؟ البيض أولا الكحل؟

قالت ليه: البيض

قال ليها: كنعطيهم العلف
قالت ليه: والكحل؟
قال ليها: حتى هوما كنعطيهم العلف
قالت ليه: وفين كتدير البقر ديالك

قال ليها: شكون فيهم؟ البيض أولا الكحل؟
قالت ليه: البيض
قال ليها: كنديرهم ف الحوش
قالت ليه: والكحل؟
قال ليها: حتى هوما كنديرهم ف الحوش
قالت ليه: إيلا سرحتي بالبقر ديالك فين كتديهم؟
قال ليها: شكون فيهم؟ البيض أولا الكحل؟
قالت ليه: البيض
قال ليها: كنسرح بيهم حدا الواد
قالت ليه: والكحل؟
قال ليها: حتى هوما كنسرح بيهم حدا الواد
تعصبات الصحفية وقالت ليه: واش نتا فينما نسولك كتقول ليا واش البقر البيض أولا الكحل ونتا داير ليهم كولشي بحال بحال؟
قال ليها: لا، لحقاش البيضين دياولي
قالت ليه: والكحلين؟
قال ليها: حتى هوما دياولي
________________________________
عيد الزواج

واحد قال لصاحبو: بغيت ندير مفاجأة لمرتي بمناسبة عشر سنين د الجواج
قال ليه: واشنو غادي تدير ليها؟
قال ليه: غادي نديها للشينوا.
قال ليه صاحبو: الله ياودي! إيلا ف عشر سنين ديال الجواج ديتيها للشينوا، أشنو غادي تدير ليها ف العيد الخمسين د الجواج ديالكم؟
قال ليه: غادي نمشي نجيبها من تما.
________________________________

مشى هاداك الراجل؟

هادا واحد الطبيب غادي يولد واحد المرا عندها تلاتة ديال التوام
خرج الولد اللول لقاه ناعس، وبدا كيضربو حتى فاق وحطو
مشى خرج الولد التاني، لقاه حتى هو ناعس، ناض كيضربو حتى فاق وحطو
مللي مشى يخرج الولد التالت ما لقاهش، وهو يقول للفرملية صافي كملي نتي خدمتك راه غير جوج ولاد للي كاينين
غير مشى الطبيب وهو يخرج الولد التالت راسو بشوية وقال للفرملية: واش هاداك خينا اللي كيسرفق الدراري صافي مشى فحالو؟